Библия, Тѡві́т, Глава 4. is available here: https://www.bible.promo/chapters.php?id=11334&pid=79&tid=2&bid=85
Holy Bible project logo icon
FREE OFF-line Bible for Android Get Bible on Google Play QR Code Android Bible

Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Новый Завет / Тѡві́т

Библия - Церковнославянская

Сiрахъ Тѡві́т

Глава 1 2 3 4 5 6 7 8 9 10 11 12 13 14

1 Въ де́нь ѡ҆́нъ воспомѧнѹ̀ тѡві́тъ ѡ҆ сребрѣ̀, є҆́же вдадѐ гаваи́лѹ въ ра́гахъ миді́йскихъ,

2 и҆ речѐ въ себѣ̀: а҆́зъ проси́хъ сме́рти, что̀ не зовѹ̀ тѡві́и сы́на моегѡ̀, да є҆мѹ̀ ѡ҆б̾ѧвлю̀, пре́жде да́же ѹ҆мре́ти мѝ;

3 И҆ призва́въ є҆го̀ речѐ: ча́до, а҆́ще ѹ҆мрѹ̀, погреби́ мѧ, и҆ да не презира́еши ма́тере твоеѧ́: чтѝ ю҆̀ всѧ҄ дни҄ живота̀ твоегѡ̀ и҆ творѝ є҆́же ѹ҆го́дно є҆́й, и҆ да не ѡ҆печалѧ́еши є҆ѧ̀:

4 помѧнѝ, ча́до, ѩ҆́кѡ мнѡ́га бѣ҄дстгвїѧ ви́дѣ ѡ҆ тебѣ̀ во чре́вѣ: є҆гда̀ ѹ҆́мретъ, поогребѝ ю҆̀ при мнѣ̀ во є҆ди́нѣмъ гро́бѣ:

5 всѧ҄ дни҄, ча́до, гд҇а бг҃а на́шего по́мни, и҆ да не похо́щеши согрѣша́ти и҆ престѹпа́ти за́пѡвѣди є҆гѡ̀: пра́вдѹ творѝ всѧ҄ дни҄ живота̀ твоегѡ̀, и҆ да не хо́диши пѹте́мъ непра́вды,

6 занѐ творѧ́щѹ тѝ и҆́стинѹ благопоспѣ́шєства бѹ́дѹтъ въ дѣ́лѣхъ твои́хъ и҆ всѣ҄мъ творѧ́щымъ пра́вдѹ:

7 ѿ и҆мѣ́нїй твои́хъ творѝ ми́лостыню, и҆ да не за́зритъ твоѐ ѻ҆́ко, внегда̀ твори́ти тѝ ми́лостыню: да не ѿвраща́еши лица̀ твоегѡ̀ ѿ всѧ́кагѡ ни́щагѡ, и҆ ѿ тебє̀ не ѿврати́тсѧ лицѐ бж҃їе:

8 ѩ҆́коже тебѣ̀ бѹ́детъ по мно́жествѹ, творѝ ѿ ни́хъ ми́лостыню: а҆́ще ма́ло тебѣ̀ бѹ́детъ, по ма́ломѹ да не бои́шисѧ твори́ти ми́лостыню:

9 зало́гъ бо до́бръ сокро́вищствѹеши тебѣ̀ на де́нь нѹ́жды,

10 занѐ ми́лостынѧ ѿ сме́рти и҆збавлѧ́етъ и҆ не ѡ҆ставлѧ́етъ и҆тѝ во тмѹ̀:

11 да́ръ бо до́бръ є҆́сть ми́лостынѧ всѣ҄мъ творѧ́щымъ ю҆̀ пред̾ вы́шнимъ:

12 внемлѝ себѣ̀, ча́до, ѿ всѧ́кагѡ блѹдодѣѧ́нїѧ, и҆ женѹ̀ пе́рвѣе поимѝ ѿ сѣ́меие ѻ҆тє́цъ твои́хъ: да не по́ймеши жены̀ чѹжді́ѧ, ѩ҆́же нѣ́сть ѿ пле́мене ѻ҆тца̀ твоегѡ̀, занѐ сы́нове про҇ро́кѡвъ є҆смы̀: нѡ́е, а҆враа́мъ, ї҆саа́къ, ї҆а́кѡвъ ѻ҆тцы̀ на́ши ѿ вѣ́ка: помѧни́, ча́до, ѩ҆́кѡ сі́и всѝ поѧ́ша жєны̀ ѿ бра́тїи свои́хъ и҆ благослове́ни бы́ша въ ча́дѣхъ свои́хъ, и҆ сѣ́мѧ и҆́хъ наслѣ́дитъ зе́млю:

13 и҆ нн҃ѣ, ча́до, любѝ бра́тїю твою̀ и҆ не возноси́сѧ се́рдцемъ твои́мъ па́че бра́тїй твои́хъ и҆ сынѡ́въ и҆ дще́рей люді́й твои́хъ, поѧ́ти тебѣ̀ ѿ ни́хъ женѹ̀, занѐ въ горды́ни поги́бель и҆ развращє́нїе мно́го, и҆ въ непотре́бствѣ ѹ҆мале́нїе и҆ ѹ҆бо́жество вели́ко, и҆́бо непотре́бство ма́ти є҆́сть гла́да:

14 мзда̀ всѧ́кагѡ человѣ́ка, и҆́же а҆́ще рабо́тати бѹ́детъ ѹ҆ тебє̀, да не преме́длитъ, но ѿда́ждь є҆мѹ̀ а҆́бїе: а҆́ще послѹ́жиши бг҃ѹ, возда́стсѧ тебѣ̀: внемлѝ тебѣ̀, ча́до, во всѣ́хъ дѣ́лѣхъ твои́хъ и҆ бѹ́ди нака́занъ во все́мъ житїѝ твое́мъ,

15 и҆ є҆́же ненави́диши, да ни комѹ́же твори́ши: вїна̀ въ пїѧ́нство да не пїе́ши и҆ да не хо́дитъ съ тобо́ю пїѧ́нство въ пѹ҄ти́ твое́мъ:

16 ѿ хлѣ́ба твоегѡ̀ да́ждь а҆́лчѹщемѹ и҆ ѿ ѡ҆дѧ́нїй твои́хъ наги҄мъ: всѐ, є҆́же а҆́ще преизбѹ́детъ тебѣ̀, творѝ ми́лостыню, и҆ да не за́зритъ твоѐ ѻ҆́ко, внегда̀ твори́ти тѝ ми́лостыню:

17 и҆ждива́й хлѣ́бы твоѧ҄ при гро́бѣ првдныхъ, грѣ́шникѡмъ же да не да́си:

18 совѣ́та ѹ҆ всѧ́кагѡ премѹ́драгѡ и҆́щѝ, и҆ да не небреже́ши ѡ҆ всѧ́цѣмъ совѣ́тѣ поле́знемъ:

19 и҆ на всѧ́кое вре́мѧ благословѝ гд҇а бг҃а и҆ ѿ негѡ̀ просѝ, ѩ҆́кѡ да пѹтїѐ твоѝ пра́ви бѹ́дѹтъ, и҆ всѧ҄ стєзѝ и҆ совѣ́ти твоѝ да благоѹспѣ́ютъ, занѐ всѧ́къ ѩ҆зы́къ не и҆мѣ́тъ совѣ́та, но са́мъ гд҇ь дае́тъ всѧ҄ бл҃га҄ѧ, и҆ є҆го́же а҆́ще восхо́щетъ, смирѧ́етъ, ѩ҆́коже хо́щетъ: и҆ нн҃ѣ, ча́до, помѧнѝ за́пѡвѣди моѧ҄, и҆ да не и҆згла́дѧтсѧ ѿ се́рдца твоегѡ̀:

20 и҆ нн҃ѣ ѡ҆б̾ѧвлѧ́ю тебѣ̀ де́сѧть тала҄нтъ сребра̀, ѩ҆̀же вда́хъ гаваи́лѹ сы́нѹ гаврі́инѹ въ ра́гахъ миді́йскихъ:

21 и҆ не бо́йсѧ, ча́до, ѩ҆́кѡ ѡ҆бнища́хомъ: сѹ́ть тебѣ̀ мнѡ́га, а҆́ще ѹ҆ои́шисѧ бг҃а и҆ ѿстѹ́пиши ѿ всѧ́кагѡ грѣха̀ и҆ сотвори́ши, є҆́же ѹ҆го́дно пред̾ ни́мъ.

<< ← Prev Top Next → >>