Библия, в҃ маккавей́скаѧ, Глава 8. is available here: https://www.bible.promo/chapters.php?id=11215&pid=70&tid=2&bid=85
Holy Bible project logo icon
FREE OFF-line Bible for Android Get Bible on Google Play QR Code Android Bible

Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Новый Завет / в҃ маккавей́скаѧ

Библия - Церковнославянская

а҃ маккавей́скаѧ в҃ маккавей́скаѧ г҃ маккавей́скаѧ

Глава 1 2 3 4 5 6 7 8 9 10 11 12 13 14 15

1 Ї҆ѹ́да же маккаве́й и҆ и҆̀же съ ни́мъ, входѧ́ще та́йнѡ въ се́ла, созыва́хѹ сро́дники и҆ пребыва́юшихъ во ї҆ѹде́йствѣ прїе́млюще собра́ша до шестѝ ты́сѧщъ мѹже́й.

2 И҆ призыва́хѹ гд҇а призрѣ́ти на лю́ди ѿ всѣ́хъ попира́ємыхъ, ѹ҆ще́дрити же и҆ хра́мъ ѿ нечести́выхъ человѣ҄къ ѡ҆скверне́нъ

3 поми́ловати же и҆ разореный гра́дъ и҆ и҆мѣ́ющь ра́внѡ со земле́ю бы́ти, и҆ гла́съ крове́й вопїю́щихъ къ немѹ̀ ѹ҆слы́шати,

4 помѧнѹ́ти же и҆ безгрѣ́шныхъ младе́нцєвъ беззако́нное погѹбле́нїе и҆ бы҄вшаѧ хѹлє́нїѧ на и҆́мѧ є҆гѡ̀, и҆ возненави́дѣти лѹка҄вства.

5 Собра́въ же мно́жество, маккаве́й нестерпи́мь ѩ҆́жѐ ѩ҆зы́кѡмъ бы́сть, гнѣ́вѹ гд҇ню въ мл҇ть ѡ҆брати́вшѹсѧ.

6 И҆ напа́даѧ на вє́си и҆ гра́ды неча́ѧннѡ сожига́ше, и҆ благовре́мєнна мѣста̀ взима́ющь, не ма́лѡ сѹпоста҄тъ побѣжда́ше ѹ҆бива́ѧ,

7 наипа́че же но́щы на такѡва́ѧ нападє́нїѧ въ по́мощь прїе́млѧше: и҆ сла́ва нѣ́каѧ мѹ́жества є҆гѡ̀ прохожда́ше всю́дѹ.

8 Ви́дѣ же фїлі́ппъ по ма́лѹ въ пред̾ѹспѣѧ́нїе грѧдѹ́ща мѹ́жа, ча́стѣе же во благоде́нствїихъ ѹ҆спѣва́юща, ко птоломе́ю воево́дѣ кїлисѷрі́и и҆ фїнїкі́и писа̀, дабы̀ помога́лъ въ ца́рскихъ дѣ́лѣхъ.

9 ѻ҆́нъ же ско́рѡ и҆збра́въ нїкано́ра, сы́на патро́клова ѿ пе́рвѣйшихъ дрѹгѡ́въ посла̀, подчини́въ є҆мѹ̀ ѿ всѧ́кихъ ѩ҆зы́кѡвъ воѡрѹже́нныхъ ви́євъ не ме́нше два́десѧти ты́сѧщъ, да ве́сь ї҆ѹде́йскїй ро́дъ и҆збїе́тъ: придаде́ же є҆мѹ̀ и҆ горгі́ю мѹ́жа страти́га и҆ въ ра́тныхъ дѣ́лѣхъ и҆скѹ́сство и҆мѹ́ща.

10 Ѹ҆ста́ви же нїкано́ръ да́нь царю̀, ѩ҆́же ри́млѧнѡмъ даѧ́шесѧ, двѣ̀ ты́сѧщы тала́нтѡвъ ѿ плѣне́нїѧ ї҆ѹде́йскагѡ напо́лнити.

11 А҆́бїе же въ помѡ́рскїхъ гра́ды посла̀, созыва́ѧ на кѹ́плю і́ѹде́йскихъ плѣ́нникѡвъ, ѡ҆бѣща́ѧсѧ де́вѧтьдесѧтъ плѣ́нникѡвъ за тала́нтъ да́ти, не ча́ѧ мще́нїѧ хотѧ́щаго послѣ́довати є҆мѹ̀ ѿ вседержи́телѧ.

12 Ї҆ѹ́дѣ же возвѣще́но бѣ̀ ѡ҆ прище́ствїи нїкано́ровѣ: и҆ є҆гда̀ ѻ҆́нъ возвѣстѝ сѹ́щымъ съ собо́ю ѡ҆ прише́ствїи во́инства,

13 ѹ҆жа́сшесѧ и҆ не вѣ́ровавше бж҃їю ѿмще́нїю разбѣга́хѹсѧ и҆ ѿ мѣ́ста своегѡ̀ ѿстѹпа́хѹ:

14 и҆ні́и же ѡ҆ста҄вшаѧ всѧ҄ продаѧ́хѹ, кѹ́пнѡ же гд҇а молѧ́хѹ, да и҆зба́витъ ѿ нечести́вагѡ нїкано́ра про́даныхъ, пре́жде да́же сни́тисѧ,

15 и҆ а҆́ще не и҆́хъ ра́ди, то̀ ра́ди завѣ́та, и҆́же бы́сть ко ѻ҆тцє́мъ и҆́хъ, и҆ призыва́нїѧ ра́ди честна́гѡ и҆ великолѣ́пагѡ и҆́мене своегѡ̀ на ни́хъ.

16 Собра́въ же маккаве́й сѹ́щихъ ѡ҆́крестъ є҆гѡ̀ число́мъ ше́сть ты́сѧщъ, молѧ́ше, да не ѹ҆жа́снѹтсѧ ѿ сѹпроти́вникѡвъ, нижѐ да ѹ҆страша́тсѧ непра́веднѡ грѧдѹ́щихъ на нѧ̀ ѩ҆зы́кѡвъ мно́жества, но мѹ́жественнѡ да подвиза́ютсѧ,

17 пред̾ ѻ҆чи́ма имѣ́юще беззако́ннѡ на мѣ́сто ст҃о́е содѣ́ланнѹю ѿ ни́хъ ѹ҆кори́знѹ и҆ посмѣѧ́ннагѡ гра́да ѡ҆би́дѹ, є҆ще́ же и҆ прароди́телнагѡ жи́телства разрѹше́нїе.

18 Ѻ҆ни́ бо на ѻ҆рѹ́жїе надѣ́ютсѧ кѹ́пнѡ и҆ на де́рзость, речѐ: мы́ же на вседержи́телѧ бг҃а могѹ́щаго и҆ грѧдѹ́щихъ мгнове́нїемъ низложи́ти надѣ́емсѧ.

19 Воспомѧнѹ́въ же и҆̀мъ и҆ бы҄вшаѧ застѹплє́нїѧ при прароди́телехъ, и҆ ѩ҆́кѡ под̾ сеннахирі́момъ сто ѻ҆́смьдесѧтъ пѧ́ть ты́сѧщь погибо́ща,

20 и҆ въ вавѷлѡ́нѣ на гала́тѡвъ бы́вшее ѡ҆полче́нїе, ка́кѡ всѝ, є҆гда̀ на бра́нь прїидо́ша, ѻ҆́смь ты́сѧщъ съ четы́рїю тысѧщами македѡ́нѧнъ, македѡ́нѧнѡмъ ѿча́ѧвшымсѧ, є҆ди́ни ѻ҆́смь ты́сѧщъ поби́ша сто̀ два́десѧть ты́сѧщъ по́мощїю да́нною и҆̀мъ ѿ нб҃сѐ, и҆ по́льзѹ мно́гѹ взѧ́ша.

21 Си́ми (воспомѧновє́нїи) де́рзѡстны ѡ҆́ныѧ поста́вивъ и҆ готѡ́вы ѹ҆мре́ти за зако́ны и҆ ѻ҆те́чество, четвероча́стно во́инство поста́ви:

22 ѹ҆чини́въ и҆ бра́тїю свою̀ воево́дами ѻ҆боегѡ̀ ѡ҆полче́нїѧ, сі́мѡна и҆ ї҆ѡ́сифа и҆ ї҆ѡнаѳа́на, подда́въ коемѹ́ждо ты́сѧщѹ и҆ пѧ́ть сѡ́тъ,

23 є҆ще́ же и҆ є҆леаза́рѹ (повелѣ́въ) честѝ ст҃ѹ́ю кни́гѹ и҆ да́въ зна́менїе по́мощи бж҃їю, пе́рвомѹ полкѹ̀ са́мъ предводи́телствѹѧ сразі́сѧ съ нїканоромъ.

24 Бы́вшѹ же и҆̀мъ вседержи́телю спобо́рникѹ, ѹ҆би́ша сѹпоста́тѡвъ бо́лѣе девѧтѝ ты́сѧщъ, ѩ҆́звеныхъ же и҆ безчленныхъ бо́лшѹю ча́сть сотворища во́євъ нїкано́ровыхъ, всѣ́хъ же въ бѣ́гство понѹ́диша.

25 Сре́бреники же ѿ прише́дшихъ на кѹ́плю и҆́хъ взѧ́ша.

26 Гони́вше же и҆́хъ ѕѣ́лнѣ, возврати́шасѧ ѿ вре́мене заключе́ни: бѣ̀ бо (де́нь) пред̾ сѹббѡ́тою, сеѧ̀ ра́ди вины̀ не продолжи́ша гонѧ́ще и҆̀хъ.

27 ѻ҆рѹ҄жїѧ же и҆́хъ собира́юще и҆ коры҄сти ѿ сѹпоста҄тъ ѿе́млюще, сѹббѡ́тѹ пра́здновахѹ попремно́гѹ благословѧ́ще и҆ и҆сповѣ́даюшесѧ гд҇еви сп҇шемѹ и҆̀хъ въ де́нь се́й, нача́ло мл҇ти ѹ҆чини́вшемѹ и҆̀мъ.

28 По сѹббѡ́тѣ же немѡщны́мъ и҆ сирота́мъ, и҆ вдова́мъ (и҆ ѡ҆би҄димымъ) раздѣли́вше ѿ коры́стѣй, прѡ́чаѧ са́ми и҆ ѻ҆́троцы раздѣли́ша.

29 Сїѧ҄ же содѣ́ѧвше и҆ ѻ҆́бщѹю моли́твѹ сотво́рше, мл҇рдаго гд҇а молѧ́хѹ, въ коне́цъ примири́тисѧ рабѡ́мъ свои҄мъ.

30 И҆ ѿ сѹ́щихъ съ тїмоѳе́емъ и҆ вакхі́домъ проти́вныхъ мно́жае два́десѧти ты́сѧщъ ѹ҆би́ша и҆ тверды҄ни ѕѣлѡ̀ высѡ́кїѧ ѡ҆держа́ша, и҆ мнѡ́гїѧ коры҄сти раздѣли́ша, равноча́стнѣ себѣ̀ и҆ немощны҄мъ, и҆ сирота́мъ и҆ вдова́мъ, є҆ще́ же и҆ старѣ́йшинамъ сотво́рше.

31 Собра́вше же ѻ҆рѹ́жїѧ и҆́хъ, прилѣ́жнѣ всѧ҄ положи́ша въ мѣ́стѣхъ благовре́менныхъ, про́чыѧ же коры҄сти во ї҆ер҇ли́мъ принесо́ша.

32 И҆ фїла́рха тїмоѳе́ева ѹ҆би́ша мѹ́жа беззако́ннѣ̀йшаго и҆ вельмѝ ї҆ѹде́ѡвъ ѡ҆ѕло́бившаго,

33 иобѣди́тєлнаѧ же пра́зднѹюще во ѻ҆те́чествѣ, заже́гшихъ свѧшє́ннаѧ врата̀, калїсѳе́на и҆ нѣ́кїихъ и҆ны́хъ сожго́ша ѹ҆бѣ́гшихъ во є҆ди́нѹ хра́минѹ, и҆̀же досто́йнѹю мздѹ̀ нече́стїѧ воспрїѧ́ша.

34 Треклѧ́тѣ́йшїй же нїкано́ръ, и҆́же тысѧщѹ кѹпцє́въ на кѹ́плю ї҆ѹде́ѡвъ приведы́й,

35 смире́нъ по́мощїю гд҇нею ѿ тѣ́хъ, и҆̀хже проти́вѹ себє̀ за ничто́же вмѣнѧ́ше, сла́внѹю ѿложи́въ ри́зѹ, чрез̾ средиземное (мо́ре) бѣглеца̀ ѡ҆́бразомъ ѹ҆единена себѐ сотво́рь, прїи́де во а҆нтїохі́ю преѕѣ́лнѣ неблагополѹ́ченъ ѡ҆ погѹблѣ́нїи во́инства.

36 И҆ и҆́же ѡ҆бѣща̀ ри́млѧнѡмъ да́нь возда́ти ѿ плѣне́нїѧ ї҆ер҇ли́мскагѡ, проповѣ́даше, ѩ҆̀кѡ защи́тителѧ бг҃а и҆мѣ́ютъ ї҆ѹде́и, и҆ сегѡ̀ ра́ди не ѹ҆ѧзвлѧ́еми сѹ́ть ї҆ѹде́є, занѐ послѣ́дѹютъ зако́нѡмъ ѿ тогѡ̀ ѹ҆ста́влєнымъ.

<< ← Prev Top Next → >>