Библия, Е҆кклесїа́ст, Глава 4. is available here: https://www.bible.promo/chapters.php?id=10663&pid=23&tid=1&bid=85
Holy Bible project logo icon
FREE OFF-line Bible for Android Get Bible on Google Play QR Code Android Bible

Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Ветхий Завет / Е҆кклесїа́ст

Библия - Церковнославянская

При́тчей соломѡ́нихъ Е҆кклесїа́ст Пѣ́снь пѣ́сней

Глава 1 2 3 4 5 6 7 8 9 10 11 12

1 И҆ ѡ҆брати́хсѧ а҆́зъ и҆ ви́дѣхъ всѧ҄ ѡ҆клевєта́нїѧ быва҄ющаѧ под̾ со́лнцемъ: и҆ сѐ, сле́зы ѡ҆клевета́нныхъ, и҆ нѣ́сть и҆̀мъ ѹ҆тѣша́ющагѡ, и҆ ѿ рѹкѝ клеве́щѹщихъ на нѧ̀ крѣ́пость, и҆ нѣ́сть и҆̀мъ ѹ҆тѣша́ющагѡ.

2 И҆ похвали́хъ а҆́зъ всѣ́хъ ѹ҆ме́ршихъ, и҆̀же ѹ҆мро́ша ѹ҆жѐ, па́че живы́хъ, є҆ли́цы жи́ви сѹ́ть досе́лѣ:

3 и҆ бла́гъ па́че ѻ҆бои́хъ си́хъ, и҆́же є҆щѐ не бы́сть, и҆́же не ви́дѣ всѧ́кагѡ сотворе́нїѧ лѹка́вагѡ сотворе́ннагѡ под̾ со́лнцемъ.

4 И҆ ви́дѣхъ а҆́зъ ве́сь трѹ́дъ и҆ всѧ́ко мѹ́жество сотворе́нїѧ, ѩ҆́кѡ сїѐ ре́вность мѹ́жа ѿ по́дрѹга своегѡ̀. И҆ сїѐ сѹета̀ и҆ произволе́нїе дѹ́ха.

5 Безѹ́мный ѡ҆б̾ѧ́тъ рѹ́цѣ своѝ и҆ снѣдѐ плѡ́ти своѧ҄.

6 Бла́го є҆́сть и҆сполне́нїе го́рсти поко́ѧ, па́че и҆сполне́нїѧ двою̀ гѡ́рстїю трѹда̀ и҆ произволе́нїѧ дѹ́ха.

7 И҆ ѡ҆брати́хсѧ а҆́зъ и҆ ви́дѣхъ сѹ́етство под̾ со́лнцемъ:

8 є҆́сть є҆ди́нъ, и҆ нѣ́сть втора́гѡ, ни сы́на, нижѐ бра́та нѣ́сть є҆мѹ̀, и҆ нѣ́сть конца̀ всемѹ̀ трѹдѹ̀ є҆гѡ̀, нижѐ ѻ҆́ко є҆гѡ̀ насыща́етсѧ бога́тства. И҆ комѹ̀ а҆́зъ трѹжда́юсѧ и҆ лиша́ю дѹ́шѹ мою̀ ѿ благосты́ни; И҆ сїѐ сѹета̀ и҆ попече́нїе лѹка́вно є҆́сть.

9 Бла́зи два̀ па́че є҆ди́нагѡ, и҆̀мже є҆́сть мзда̀ бла́га въ трѹдѣ̀ и҆́хъ:

10 ѩ҆́кѡ а҆́ще паде́тсѧ є҆ди́нъ ѿ ни́хъ, воздви́гнетъ дрѹгі́й прича́стника своего̀: и҆ го́ре томѹ̀ є҆ди́номѹ, є҆гда̀ паде́тъ и҆ не бѹ́детъ втора́гѡ воздви́гнѹти є҆го̀.

11 И҆ а҆́ще ѹ҆́снета два̀, тепло̀ и҆́ма бѹ́детъ, а҆ є҆ди́нъ ка́кѡ согрѣ́етсѧ;

12 И҆ а҆́ще ѹ҆крѣпи́тсѧ є҆ди́нъ, два̀ ста́нета проти́вѹ є҆мѹ̀: и҆ ве́рвь треплете́на не ско́рѡ расто́ргнетсѧ.

13 Бла́гъ ѻ҆́трокъ ни́щь и҆ мѹ́дръ, па́че ста́ра царѧ̀ и҆ безѹ́мна, и҆́же не разѹмѣ̀ внима́ти є҆щѐ:

14 ѩ҆́кѡ и҆з̾ до́мѹ ю҆́зникѡвъ и҆зы́детъ ца́рствовати, поне́же и҆ въ ца́рствѣ свое́мъ роди́сѧ ни́щь.

15 Ви́дѣхъ всѣ́хъ живѹ́щихъ, ходѧ́щихъ под̾ со́лнцемъ, съ ю҆́нымъ вторы́мъ, и҆́же воста́нетъ вмѣ́стѡ є҆гѡ̀.

16 Нѣ́сть конца̀ всѣ҄мъ лю́демъ, всѣ҄мъ, и҆̀же пред̾ ни́ми бы́ша, и҆́бо послѣ́днїи не возвеселѧ́тсѧ ѡ҆ не́мъ: ѩ҆́кѡ и҆ сїѐ сѹета̀ и҆ произволе́нїе дѹ́ха.

17 Сохранѝ но́гѹ твою̀, є҆гда̀ а҆́ще и҆́деши въ до́мъ бж҃їй, и҆ бли́з̾ (бѹ́ди) є҆́же слѹ́шати: па́че даѧ́нїѧ безѹ́мныхъ же́ртва твоѧ̀, поне́же не вѣ́дѧтъ, ѩ҆́кѡ творѧ́тъ ѕло̀.

<< ← Prev Top Next → >>