Библия, в҃ ца́рствъ, Глава 23. is available here: https://www.bible.promo/chapters.php?id=10290&pid=12&tid=1&bid=85
Holy Bible project logo icon
FREE OFF-line Bible for Android Get Bible on Google Play QR Code Android Bible

Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Ветхий Завет / в҃ ца́рствъ

Библия - Церковнославянская

а҃ ца́рствъ в҃ ца́рствъ г҃ ца́рствъ

Глава 1 2 3 4 5 6 7 8 9 10 11 12 13 14 15 16 17 18 19 20 21 22 23 24

1 И҆ сїѧ҄ словеса̀ даві́дѡва послѣ҄днѧѧ. Вѣ́ренъ даві́дъ сы́нъ ї҆ессе́овъ, и҆ вѣ́ренъ мѹ́жъ, є҆го́же возста́ви гд҇ь въ хрїста̀ бг҃а ї҆а́кѡвлѧ, и҆ благолѣ҄пны ѱалмы̀ ї҆и҃лєвы.

2 И҆ дх҃ъ гд҇ень гл҃а во мнѣ̀, и҆ сло́во є҆гѡ̀ на ѧ҆зы́цѣ мое́мъ.

3 Гл҃етъ бг҃ъ ї҆и҃левъ: мнѣ̀ гл҃а храни́тель ї҆и҃левъ при́тчѹ: рѣ́хъ въ человѣ́цѣхъ: ка́кѡ ѹ҆держитѐ стра́хъ бж҃їй;

4 И҆ во свѣ́тѣ бж҃їи ѹ҆́треннѣмъ, и҆ возсїѧ̀ со́лнце заѹ́тра, не пре́йде ѿ сїѧ́нїѧ, и҆ ѩ҆́кѡ ѿ дождѧ̀ ѕла́чна ѿ землѝ.

5 Не та́кѡ бо до́мъ мо́й съ крѣ́пкимъ: завѣ́тъ бо вѣ́ченъ положи́ ми, гото́въ во всѧ́комъ вре́мени сохране́нъ: ѩ҆́кѡ всѐ сп҇нїе моѐ и҆ всѐ хотѣ́нїе во гд҇ѣ, ѩ҆́кѡ не и҆́мать прозѧ́бнѹти беззако́нный.

6 ѩ҆́коже те́рнїе и҆зве́ржено всѝ сі́и, ѩ҆́кѡ не во́змѹтсѧ рѹко́ю,

7 и҆ мѹ́жъ не потрѹди́тсѧ въ ни́хъ: и҆ мно́жество желѣ́за, и҆ дре́во копі́йное, и҆ ѻ҆гне́мъ сожже́тъ, и҆ попалѧ́тсѧ въ срамотѹ̀ свою̀.

8 Сїѧ҄ и҆мена̀ си́льныхъ даві́довыхъ: ї҆евосѳе́й ханане́анинъ кнѧ́зь тре́тїѧгѡ є҆́сть: а҆дїнѡ́нъ а҆сѡне́й, се́й ѡ҆бнажѝ ме́чь сво́й на ѻ҆́смь сѡ́тъ во́инѡвъ (и҆ побѣдѝ) є҆ди́ною.

9 И҆ по не́мъ є҆леаза́ръ, сы́нъ ѻ҆тца̀ бра́та є҆гѡ̀, въ трїе́хъ си́льныхъ бра́тїѧхъ, се́й бѣ̀ со даві́домъ (во сирра́нѣ) внегда̀ поноси́ти є҆мѹ̀ во и҆ноплеме́нницѣхъ: и҆ и҆ноплемє́нницы собра́шасѧ та́мѡ на бра́нь,

10 и҆ и҆зыдо́ша мѹ́жїе ї҆и҃лєвы проти́вѹ лица̀ и҆́хъ, и҆ то́й воста̀ и҆ ѹ҆бива́ше и҆ноплеме́нники, до́ндеже ѹ҆трѹди́сѧ рѹка̀ є҆гѡ̀ и҆ прильпѐ рѹка̀ є҆гѡ̀ къ мечѹ̀: и҆ сотворѝ гд҇ь сп҇нїе вели́ко въ то́й де́нь: и҆ лю́дїе ѡ҆брати́шасѧ в̾слѣ́дъ є҆гѡ̀ то́кмѡ совлача́ти.

11 И҆ по не́мъ самаі́а сы́нъ а҆́сы, а҆рѹхе́йскїй: и҆ собра́шасѧ и҆ноплемє́нницы во ѳирі́ю: и҆ бѣ̀ та́мѡ ча́сть села̀ и҆спо́лнь лѧ́щи: и҆ лю́дїе бѣжа́ша ѿ лица̀ и҆ноплеме́ннича:

12 и҆ ста̀ а҆́ки сто́лпъ посредѣ̀ ча́сти, и҆ и҆схи́ти ю҆̀, и҆ поразѝ и҆ноплеме́нники: и҆ сотворѝ гд҇ь сп҇нїе вели́ко.

13 И҆ снидо́ша трѝ кнѧ҄зи ѿ три́десѧтихъ, и҆ прїидо́ша въ касѡ́нъ къ даві́дѹ въ верте́пъ ѻ҆долла́мъ: и҆ чи́нове и҆ноплемє́нникъ ѡ҆полчи́шасѧ во ю҆до́ли рафаі́нстѣй.

14 И҆ даві́дъ тогда̀ бѣ̀ во ѡ҆бдержа́нїи, и҆ ста́нъ и҆ноплеме́нническъ бѣ̀ тогда̀ въ виѳлее́мѣ.

15 И҆ возжада̀ даві́дъ и҆ речѐ: кто̀ напои́тъ мѧ̀ водо́ю и҆з̾ ро́ва, и҆́же въ виѳлее́мѣ при вратѣ́хъ; ста́нъ же бѣ̀ тогда̀ и҆ноплеме́нничь въ виѳлее́мѣ.

16 И҆ расторго́ша трїѐ си́льнїи ѡ҆полче́нїе и҆ноплеме́нничо, и҆ почерпо́ша воды̀ и҆з̾ ро́ва виѳлее́мскагѡ, и҆́же при вратѣ́хъ: и҆ взѧ́ша, и҆ прїидо́ша ко даві́дѹ, и҆ не восхотѣ̀ пи́ти є҆ѧ̀: и҆ возлїѧ̀ ю҆̀ гд҇ѹ

в҃ ца́рствъ 23:16 - David Refusing Water
David Refusing Water
17 и҆ речѐ: мл҇тивъ мнѣ̀, гд҇и, є҆́же сотвори́ти сїѐ, кро́вь ли мѹже́й поше́дшихъ въ дѹша́хъ свои́хъ пи́ти и҆́мамъ; И҆ не восхотѣ̀ пи́ти є҆ѧ̀. Сїѧ҄ сотвори́ша трїѐ си́льнїи.

18 И҆ а҆ве́сса бра́тъ ї҆ѡа́вль сы́нъ сарѹ́инъ, се́й бѣ̀ кнѧ́зь въ трїе́хъ, и҆ се́й воздви́же копїѐ своѐ на три́ста ѩ҆́звеныхъ, и҆ томѹ̀ и҆́мѧ є҆́сть въ трїе́хъ.

19 Ѿ трїе́хъ ѻ҆́ныхъ сла́вный, и҆ бы́сть и҆̀мъ кнѧ́зь, и҆ да́же до трїе́хъ не прїи́де.

20 И҆ ване́а сы́нъ ї҆ѡда́евъ, мѹ́жъ се́й премно́гъ въ дѣ́лѣхъ, ѿ кавасаи́ла, и҆ се́й ѹ҆бѝ два̀ сы҄на а҆рїи́ла мѡа́вскагѡ: и҆ то́й сни́де, и҆ ѹ҆бѝ льва̀ посредѣ̀ ро́ва въ де́нь снѣ́женъ:

21 и҆ то́й поразѝ мѹ́жа є҆гѵ́птѧнина, мѹ́жа кра́сна, въ рѹцѣ́ же є҆гѵ́птѧнина копїѐ ѩ҆́кѡ дре́во лѣ́ствицы кора́бленыѧ: и҆ сни́де къ немѹ̀ со па́лицею, и҆ и҆сто́рже копїѐ и҆з̾ рѹкѹ̀ є҆гѵ́птѧнина, и҆ ѹ҆бѝ є҆го̀ копїе́мъ є҆гѡ̀:

22 сїѧ҄ сотворѝ ване́а сы́нъ ї҆ѡда́евъ, и҆ томѹ̀ и҆́мѧ въ трїе́хъ си́льныхъ,

23 ѿ трїе́хъ сла́вный, и҆ ко трїе́мъ не прїи́де: и҆ поста́ви є҆го̀ даві́дъ над̾ таи҄нники свои́ми.

24 И҆ сїѧ҄ и҆мена̀ си́льныхъ даві́да царѧ̀: а҆саи́лъ бра́тъ ї҆ѡа́вль, се́й въ три́десѧтихъ: є҆леана́нъ сы́нъ ѻ҆тца̀ бра́та є҆гѡ̀ ѿ виѳлее́ма:

25 семо́ѳъ а҆родїи́нъ:

26 хелли́съ келѡѳі́йскїй: ї҆ра̀ сы́нъ є҆ккі́са ѳекѡі́тскагѡ:

27 а҆вїезе́ръ а҆наѳѡѳі́тскїй: савѹхе́й и҆́же ѿ а҆сѡѳі́ты:

28 є҆ллѡ́нъ а҆лѡні́тскїй: мое́й нетѡфаѳі́тѧнинъ:

29 є҆лѝ сы́нъ ваа́нь, и҆́же ѿ нетѡфаѳї҄тъ: є҆ѳѳї̀ сы́нъ рїва́нь ѿ гаваѡ́на сынѡ́въ венїамі́нихъ:

30 ване́асъ фараѳѡні́тскїй: ѹ҆рі́й ѿ наалге́а:

31 а҆рїи́лъ сы́нъ а҆равѡѳі́тѧнина: заѡ́ръ варсамі́тскїй:

32 є҆леа́са сы́нъ салавѡні́тскїй: васе́й гони́тскїй:

33 ї҆ѡнаѳа́нъ сы́нъ сама́на а҆рѡрі́тскагѡ: а҆хїа́нъ сы́нъ а҆ратѝ а҆раѳѹ́рскагѡ:

34 є҆лїфала́ѳъ сы́нъ маахїа́вль: є҆лїа́въ сы́нъ а҆хїтофе́ла гелѡні́тскагѡ:

35 а҆сараї̀ карми́лскїй: ѹ҆ре́мъ сы́нъ а҆свѝ:

36 и҆ га́ла сы́нъ наѳа́новъ: и҆ ваа́нъ сы́нъ а҆гарі́нъ:

37 є҆́лли а҆ммані́тскїй: гелѡре́й вирѡѳі́йскїй, носѧ́й ѻ҆рѹ́жїе ї҆ѡа́ва сы́на сарѹ́ина:

38 ї҆ра́съ є҆ѳѳі́рскїй: гаре́въ ї҆ерѳе́йскїй: и҆ ѹ҆рі́а геѳе́йскїй.

39 Всѣ́хъ три́десѧть и҆ се́дмь.

<< ← Prev Top Next → >>